संकटग्रस्त सौर्य एयरलाइन्स: राजनीतिक दबाब दिएर उडान अनुमति फुकुवा गराउन खोजेको आरोप

काठमाडौं: आर्थिक संकटमा रहेको सौर्य एयरलाइन्सले एउटै जहाजको भरमा उडान पुनः सञ्चालनका लागि नेपाल नागरिक उड्डयन प्राधिकरणलाई निवेदन दिएको छ। तर, प्राधिकरणले सुरक्षा र वित्तीय अडिट नगरी AOC (उडान अनुमति) फुकुवा नगर्ने जनाएको छ।

नेपाल नागरिक उड्डयन प्राधिकरणका अनुसार, ९ महिनादेखि ग्राउन्डेड रहेको सौर्य एयरलाइन्सले एउटै जहाजको भरमा आन्तरिक उडानमा फर्कन राजनीतिक दबाब दिन थालेको छ।

सौर्यको उडान अनुमति गएको साउन ९ गते पोखरातर्फ सी-चेकका लागि उड्दै गर्दा भएको दुर्घटनापछि निलम्बन गरिएको थियो। उक्त दुर्घटनामा १८ जनाको मृत्यु भएको थियो।
Saurya Airlines Poised for Comeback After Tragic Crash Saurya Airlines Crash: 18 Dead, Pilot the Sole Survivor

एयरलाइन्सका मालिक दीपक पोखरेलमाथि राजनीतिक दबाब प्रयोग गरेर अनुमति फुकुवा गराउन खोजेको आरोप छ।  तर प्राधिकरणका कर्मचारीहरूले एयरलाइन्सको सुरक्षा र वित्तीय अडिट गरेरमात्रै निलम्बन फुकुवा गर्नुपर्ने माग गरेका छन्।

हाल सौर्यसँग एउटा मात्र उडानयोग्य जहाज बाँकी छ। प्राधिकरणका अधिकारीहरूले एउटै जहाजको भरमा उडान अनुमति दिनु यात्रु सुरक्षा र निष्पक्षतामा आँच आउने बताएका छन्।